Dawlada Somalia Oo Sheegtay In Xaduuda Badda Dalka Somalia Tahay 200-Mayl-
Lasanod Online Thursday, June 06, 2013


 

Muqdisho:- War saxaafadeed ka soo baxay xafiiska Ra'iisal wasaaraha Xukuumadda Federaalka Soomaaliya, Cabdi Faarax Shirdoon..

ayaa lagu caddeeyey xukuumadiisu aaminsantahay sharcigii hore la isugu raacey ee dherarka soohdinta biyaha badda Soomaaliya kaas oo gaarayey 200 mayl-badeed.

 War saxaafadeedkan ayaa soo baxaya iyada oo saxaafadda ay soo gaadhay Dokuminti ay kala saxiixdeen Wasiirada Arrimaha Dibadda ee Kenya iyo Somaliya, kaas oo mar kale shaki lagu gelinaya soohdinta biyaha Soomaaliya iyo Kenya kala qaybiya.

Warsaxaafadeedka ka soo baxay Xafiiska Saacid ayaa u dhignaa sidan:

1. Xukuumada Federaaliga ah ee Soomaaliya waxay ayid-san-tahay go’aankii Baarlamaanka Soomaaliyeed uu gaaray August 1, 2009, ayna xildhibaanadu ku diideen is-fahmakii doodda looga furayey xadaynta biyaha badda Soomaaliyeed. Is afgaradkaas oo dhacay April 7, 2009 ayana magaalada Nairobi Kenya ku saxiiiseen Wasiirkii Xiriirka Caalamiga ee DFKMG iyo Wasiirka Arrimaha Didabadda ee Kenya. Is afgaradkan ayuu baarlamaanka Soomaaliya ku sifeeyay waxba kama jiraan (Null & Void).

2. Sida ku cad qoraalkii ka soo baxay Qaramada Midoobay March 12, 2010 ee ay ku cadeeyeen in Is-fahamka (MOU) dhex maray DFKMG iyo Kenya uu yahay mid aan la cuskan karin ka dib markii Baarlamaanka Federaalka ku meelgaarka uu diideen is-afgaradkaas, sidaas daraadeedna waa in loo tixgeliyo mid aan lagu hawl geli karin ama la cuskan karin.

3. Xukuumada Federaaliga ah ee Soomaaliya waxay aqoonsan tahay sharciga qaran ee badaha Law No. 37. ee qeexaya dhererka xadka badda “territorial water” ee gaaraya 200 mayl-badeed iyo continental shelf . Waxay dawlada Soomaaliya ogolaatay xeerka badaha aduunka ee ay wax ka saxiixday 24kii Luuliyo 1989 ayadoo aan ka tanaasulin sharciga qaran.

4.Xukuumada Federaaliga ah ee Soomaaliya waxay cadeyneysaa inaysan ka galaynin wada hadal cusub badda Soomaaliya gaar ahaan dib-u qeexida iyo xadeynta xeebta Soomaaliya.

5. Dhanka kale dawladda Soomaaliya waxay cadeyneysaa inay ka go’antahay xoojinta cilaaqaadka iyo iskaashiga labada dal ee soo jireenka ahaa. Waxayna dawladdu soo dhawaynayaa wadashaqeynta labda dawladdood ee la xiriira dhanka dib-u dajinta qaxootiga Soomaaliyeed iyo xoojinta amaanka xuduudaha labada dal wadaagaan.

 

 

Source: Xafiiska Ra'iisal wasaaraha Somalia

Copyright 2014 Lasanod.com

 

Maqal iyo Muuqaal










Lasanod Advertising
LasAnod.com© All rights reserved., Design by Sheelco,Inc.
Contact Webmaster at: admin@lasanod.com